Ish shefi i diplomacisë suedeze, Bildt: Nëse bëhet më keq në Maqedoni duhet mision paqësor
Ish shefi i diplomacisë suedeze, Carl Bildt, e ka shpërndarë në rrjetin social “Twiter” postimin e ish ministrit ministrit të Mbrojtjes së Bulglarisë dhe ambasadorit të Bullgarisë në NATO, Belgjikë dhe Luksemburg, Bojko Noev, i cili në një intervistë theksoi se “Maqedonia urgjentisht të kërkojë mision preventiv dhe stabilizues të Bashkimit Evropian në vend”, njofton Portalb.mk.
Bildt, e ka shpërndarë ka shtuar se “vendosja e misionit paqësor të Bashkimit Evropian në Maqedoni është një hap radikal, por nëse gjendja përkeqësohet, duhet të kihet parasysh edhe mundësia e tillë”.
Këtë çështje e ngriti Noev, pas dërgimit të letrës së Gjorge Ivanovit deri te BE-ja, SHBA-ja, NATO dhe Turqia, për të kërkuar “ndihmë” që të hidhet poshtë Platforma Shqiptare, që sipas Ivanovit cenon sovranitetin dhe unitaritetin e Maqedonisë.
Letrën e presidentit Ivanov, Noev e konsideron si “njëfarë lloj SOS – sinjal dërguar deri te bashkësia ndërkombëtare se anija në Shkup po fundoset”.
EU peace mission in Macedonia is a radical step – but if worst comes to worst that option must be there. https://t.co/kiiQM4xsCq
— Carl Bildt (@carlbildt) March 9, 2017
