Arrestohen 7 myslimanë për terrorizëm, mes tyre dhe dy imamë
Shtatë persona janë arrestuar me urdhër të prokurorisë së krimeve të renda në katër qytete gjatë natës së kaluar. Një aksion i prokurorisë së krimeve të rënda, pas zbulimit të celulës nga Shërbimi Informativ ka vënë në lëvizje njësitë e forcave speciale të policisë, të cilat kanë vënë në pranga shtatë të dyshuarit, mes të cilëve edhe një imam xhamie që predikonte pjesëmarrjen në luftime në Siri në xhaminë e Unazës së Madhe në Tiranë.
– See more at: http://www.sot.com.al/aktualitet/rekrutonin-luft%C3%ABtar%C3%AB-p%C3%ABr-n%C3%AB-siri-arrestohen-7-persona#sthash.FA45ZQfb.dpuf
Një superoperacion i FNSH-së dhe Prokurorisë së Krimeve të Rënda ka vënë në pranga 7 persona të cilët akuzohen për terrorizëm.
Operacioni është zhvilluar në 4 qytete të vendit, si në Tiranë, Elbasan, Pogradec dhe Librazhd ndërsa mes të arrestuarve ndodhen edhe 2 imamë.
Kështu janë arrestuar imami i xhamisë tek Unaza e Re në Tiranë Genc Balla dhe imami në Xhaminë e Mëzezit Bujar Hysa.
Gjithashtu të arrestuar janë edhe besimtarët Edmond Balla, Verdi Morava, Fadil Myslimani, Zeqir Imeri e Almir Daci ndërsa 5 persona të tjerë janë shpallur në kërkim.
Mësohet se arrestimi i 7 personave është bërë pas përgjimeve të Prokurorisë së Krimeve të Rënda.
Gjatë operacionit janë sekuestruar edhe armë, fishekë dhe lëndë eksplozive të cilët dyshohen se do të përdoreshin në konfliktin e Sirisë.
Gjithashtu dyshohet se të arrestuarit janë përfshirë në një aktivitet terrorist që i predikonin besimtarëve myslimanë të shkonin për të luftuar në Siri. Shtatë të arrestuarit, të dyshuar për terrorizëm mendohet se kanë dërguar mbi 70 persona për luftime në Siri
Prokuroria e Krimeve të Rënda nisi hetimin ndaj 7 personave të dyshuar, pas vrasjes së dy shqiptarëve në luftën e Sirisë.
Ndërkohë pritet që në orët në vijim Prokuroria e Krimeve të Rënda të japë më shumë detaje për operacionin./ Ora News