Çelsi nuk gabon, fiton derbin dhe shkon sërish në +10 (VIDEO)
Çelsi nuk gabon në rrugën drejt titullit kampion. Në javën e 27-të të Premier Ligës, blutë triumfuan 2-1 ndaj Uest Hemit në derbin e Londrës, shkruan Panorama, përcjell Portalb.mk.
Ekipit të Antonio Kontes iu deshën 25 minuta lojë për të zhbllokuar ndeshjen me Eden Hazardin, i cili finalizoi një kundërsulm të shpejtë të nisur nga këmbët e Kantes.
Epërsia e miqve u dyfishua pesë minuta pas pushimit mes pjesëve, kur Diego Kosta shënoi në zhvillimet e një goditjeje këndi.
Të zotët e shtëpisë u zgjuan vonë dhe goli i Lanzinit nuk u mjaftoi për të shmangur disfatën.
Falë këtij suksesi Çelsi kryesues e rikthen distancën prej dhjetë pikësh ndaj Totenhemit, ndërsa Uest Hemi mbetet në pozitën e 11-të me 33 pikë.