Trump thotë se Obama qëndron prapa disa protestave politike

Presidenti i Shteteve të Bashkuara, Donald Trump ka thënë se beson që ish-presidenti Barack Obama, qëndron pas disa protestave të organizuara kundër republikanëve në mbarë vendin, njofton Rel, përcjell Portalb.mk.

Gjatë një interviste televizive më 28 shkurt, pak orë para se t’i adresohet Kongresit, Trump është përgjgjur në pyetjen lidhur me protestat, duke thënë se “besoj se presidenti Obama është prapa sepse njerëzit e tij, sigurisht janë prapa” protestave, ka thënë presidenti Trump.

Gjatë intervistës, presidenti ka mohuar se në Shtëpinë e Bardhë është në zhvillimin e sipër procesi i rrjedhjes, pas raporteve se sekretari për media Sean Spicer, i ka kontrolluar telefonat e stafit të Shtëpisë së Bardhë, për dyshime për rrjedhje.

Trump, duke folur për Fox News ka shtuar se beson që besnikët e Obamës qëndrojnë pas këtyre rrjedhjeve të Shtëpisë së Bardhë.

“Gjithashtu e kuptoj se kjo është politike. Në kuptimin që ai po qëndron prapa gjërave, kjo është politikë. Kjo gjë me gjasë do të vazhdojë”, ka shtuar Trump.

Lajme të ngjashme

Leave a Reply

Your email address will not be published. Required fields are marked *

Back to top button