Sot prezantohet Instituti që do të hetojë vdekjen e dyshimtë të Deharit

Prindërit e Astrit Deharit, aktivistit të Vetëvendosjes që vdiq në Qendrën e Paraburgimit në Prizrenit, bashkë edhe me avokatin Tom Gashi, do të prezantojnë sot Institutin e Bashkimit Evropian, i cili do të angazhohet për hetime dhe ekspertiza të pavarura për vdekjen e Deharit, njofton koha.net, përcjell Portalb.mk.

Ata do të flasin në një konferencë për media, e cila do të mbahet në zyrën e avokatit Gashi, duke filluar nga ora 12:00.

Kuvendi i Republikës së Kosovës më 20 dhjetor 2016, ka miratuar rezolutë, me të cilën ka autorizuar familjen Dehari për përzgjedhjen e këtij ekipi të eksperteve.