Organizata “Të pa- çrrënjosurit” kundër “ndarjes së Maqedonisë”
Ka filluar protesta e paralajmëruar nga organizata e ashtuquajtur “Të pa- çrrënjosurit” ( Tvrdokornite) e cila ka nisur nga Kisha Ortodokse në Shkup, ku janë mbledhur qindra qytetarë për të shprehur revoltën e tyre kundër politikanëve që duan ta ndajnë Maqedoninë dhe të sjellin edhe një gjuhë të re.
Zëdhënësi i organizatës Dragan Ugrinovski, para gazetarëve ka deklaruar se organizata e tyre ekziston ka një muaj dhe se në mënyre të qetë duan të shprehin pakënaqësinë e tyre ndaj asaj që po merren vesh politikanët në Maqedoni.
Marshi nga Kisha Ortodokse Maqedonase do të drejtohet deri tek Parku i Gruas para Kuvendit.
Kreu i Organizatës “Të pa- çrrënjosurit” Dragan Ugrinovski, deklaroi se janë grumbulluar vullnetarisht për të mbrojtur Maqedoninë dhe apeloi tek mediat që të mos e etiketojnë ose ndërlidhin këtë Organizatë me parti politike.
