Gjendet vajza e zhdukur nga rajoni i Kërçovës
Është gjetur vajza dy vjeçare e cila mbrëmë ishte paraqitur si e zhdukur në fshatin Klenoec.
“Vajza është gjallë dhe shëndoshë. Është gjetur midis fshatrave Klenoec dhe Izvor në një humnerë, rreth orës 15:00. Fëmijën e kanë gjetur nëpunës policorë të cilët nga mëngjesi po kërkojnë, ndërsa janë përfshirë edhe qentë e policisë dhe një dron. Ndaj fëmijës do të kryhet kontroll mjekësor dhe bisedë me përfaqësues nga Qendra për punë sociale”, deklaroi zëdhënësi i SPB Ohër Stefan Dimoski.
Ai shtoi se bëhet fjalë për një aksion i cili ka filluar mbrëmë në orën 21:10 minuta nga policët e Kërçovës dhe banorët e vendit, pas marrjes së denoncimit për zhdukjen.
“Hetimi ka zgjatur deri natën vonë, ndërsa vazhdoi sot në mëngjes me rreth 20 policë dhe banorët. Terreni ishte shumë i keq dhe vështirë i depërtueshëm, por me organizim të mirë vajza është gjetur”, tha Dimoski.
