Një grua humbi jetën në Angli nga stuhia Doris
Një grua humbi jetën pasi që stuhia Doris e goditi Britaninë e Madhe dhe Irlandën.
Gruaja vdiq nga lëndime të rënda në kokë, pasi që është goditur nga një send të cilin e ka marrë era. Incidenti ndodhi në Bulverhempton, në Anglinë Qendrore.
Stuhia Doris e goditi edhe Uellsin, ku shpejtësia e erës ka qenë mbi 150 kilometra në orë, ndërsa për shkak të borës në Skoci sot u mbyllën shkollat. Në Irlandë me mijëra shtëpi mbetën pa energji elektrike.
Stuhia e ka vështirësuar edhe qarkullimin hekurudhor dhe atë tokësor.