Sela me ambasadorin e Italisë kanë biseduar për Platformën

Lideri i LR-PDSH-së Ziadin Sela dhe kryetarja e Asamblesë së Gruas së LR-PDSH-së Arta Toçi, me ftesë të ambasadorit të Italisë Carlo Romeo, dje zhvilluan takim në Ambasadën e Italisë, transmeton Portalb.

“Temë diskutimi ishte situata aktuale politike, ku Sela e informoi Ambasadorin Romeo per zhvillimet e fundit politike për krijimin e Qeverisë së re të RM. Gjithashtu ai e informoi edhe për deklaratën e përbashkët politike te subjekteve politike shqiptare qe e nënshkruan atë, për rolin e kësaj deklarate si dhe pranimin në tërësi te kësaj deklarate si parakusht për ti dhënë mbështetjen mandatarit të ardhshëm”, thuhet në kumtesën e LR-PDSH-së.

Sipas kumtesës, Sela ka thënë se këto kërkesa nuk janë vetëm kërkesa të partive shqiptare politike, por kërkesa të natyrshme e gjithë të popullit shqiptar në Maqedoni, “të cilat janë si rezultat i një Kushtetute e cila nuk reflekton realitetin etnik, dhe kërkesat reale të shqiptarëve për të qenë të barabartë me maqedonasit në shtetin e tyre”.

“Ziadin Sela, e informoi detajisht për përpjekjet të vazhdueshme e tij dhe te Aleancës për Shqiptarët, në shtet ndërtimin e ardhshëm të Maqedonisë së re, për t’i thyer antagonizmat ndëretnik , për të krijuar një shoqëri demokratike mbi parimin e barazisë së plotë mes maqedonasve dhe shqiptarëve. Ligji i gjuhës shqipe, Prokuroria Speciale Publike, Buxheti, Decentralizimi, funksionimi i shtetit të së drejtës dhe integrimi i Maqedonisë në BE dhe NATO ishin tema që Ziadin Sela i trajtoi në takim me Ambasadorin Carlo Romeo. Po ashtu Sela e falënderoi për ftesën, dhe për kontributin e tij dhe shtetit të Italisë për mbështetjen qe sa më parë shteti të tejkaloje këtë ngërç politik, si dhe ju falënderua edhe për angazhimin e Italisë ne kuadër të BE-se që Maqedonia në integrohet sa më parë në BE”, thuhet në kumtesën e LR-PDSH-së.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP