Në gazetari nuk ka vend për lajme të rrejshme
[Recension: ZAEVI KA KONFIRMUAR NË LETËR: Pranojmë dygjuhësi në gjithë territorin!]
Teksti që e recensojmë është manipulim i pastër dhe i pavërtetë dhe ka për qëllim ta degradojë liderin e partisë më të madhe opozitare, Zoran Zaev. Vetë titulli i artikullit “AEVI KA KONFIRMUAR NË LETËR: Pranojmë dygjuhësi në gjithë territorin!” është një spin i madhe dhe gënjeshtër, ndërsa është transmetuar në mënyrë që të duket se është e vërtetë dhe sikur të jetë marrë nga burime të sigurta dhe të verifikuara mirë.
Mirëpo, kur ta hapni tekstin, do ta shihni se ajo që është shkruar nuk është e saktë.
Linku deri te artikulli origjinal: ZAEVI KA KONFIRMUAR NË LETËR: Pranojmë dygjuhësi në gjithë territorin!
Data dhe koha publikimit: 13.02.2017
Data e recensionit: 14.02.2017
Recensues: Аna Anastasovska
FOTOGRAFI E SHTREMBËRUAR
E para, artikulli i referohet tekstit të publikuar në televizionin 24Vesti. Mirëpo nuk është vënë link deri te informata burimore dhe mu kjo është përdorur që ajo “të zbukurohet”, të plasohen informata të gabuara dhe lexuesit t’i ofrohet një fotografi e shtrembëruar.
Sipas BDI-së, tani për tani konfirmojnë se Zaevi e ka nënshkruar propozimin për përdorimin e gjuhëve, gjegjësisht për dygjuhësi, me çka de fakto, Zaevi tashmë edhe formalisht ka pranuar të zbatohet dygjuhësia në gjithë territorin e R. të Maqedonisë.
Këtu thuhet se Zaevi e ka nënshkruar propozimin e BDI-së për përdorimin e gjuhëve, gjegjësisht thuhet se ai e ka pranuar dygjuhësinë.
Mirëpo, një gjë e tillë mungon në informatën burimore të publikuar në televizionin 24 Vesti.
Mirëpo, në BDI nuk duan të precizojnë se ç’ka në pako përveç propozim-ligjit për gjuhën e shqipe, të cilin e konfirmojnë, dhe se a e përmban pakoja gjithë atë që e kërkon BDI-ja. Nga LSDM-ja, vetëm shkurtimisht thonë se bëhet fjalë vetëm për një dokument, shkruan Televizioni 24Vesti.
Domethënë dokumenti të cilin Zaevi ia ka dërguar Ahmetit përmban propozim-ligj për përdorimin e gjuhës shqipe, mirëpo kjo automatikisht nuk do të thotë se ai e ka pranuar në tërësi propozimin e Ahmetit. Në fakt, në rastet kur nuk ka informata dhe të dhëna konkrete, asgjë nuk mund të thuhet me siguri.
Qëllimi i këtij artikulli është i qartë. Të sulmohet Zaevi për diçka për të cilën nuk ka argumente dhe dëshmi të forta dhe ai të degradohet si lider politik.
Në gazetari është e paparamendueshme dhe e palejueshme që lajmet të interpretohen në mënyrë paushalle, e edhe më keq është kur trillohen informatat.
Ky recension është përgatitur në kuadër të Projektit të USAID-it për përforcimin e mediumeve në Maqedoni – Komponenta Shërbimi për verifikimin e fakteve nga mediumet, që implementohet nga fondacioni Metamorfozis.. Ky recension është mundësuar me përkrahjen e Agjencisë amerikane për zhvillim ndërkombëtar (USAID). Përmbajtja e analizës është përgjegjësi e autorit dhe nuk i paraqet qëndrimet e fondacionit Metamorfozis, USAID-it ose të qeverisë së SHBA-ve. Për më tepër informata për punën e USAID-it në Maqedoni, ju lutemi vizitoni ueb-faqen e USAID-it: (http://macedonia.usaid.gov) dhe faqen e USAID-it në Facebook: (www.facebook.com/USAIDMacedonia).
