Memedi: Udhëheqësia e RDK-së ka treguar pjekuri të lartë politke

Në Kuvendin Zgjedhor të degës në Komunën e Vrapçishtit për kryetar të degës së RDK-së me unanimitet u rizgjodh magjistri i pedagogjisë Zulhajrat Demiri, ndërsa nënkryetar u zgjodh Emir Durmishi, njofton partia RDK.
Në këtë kuvend zgjedhor të degës u zgjodhën edhe delegatët e Kongresit, ku bëhen përgatitjet e fundit për mbajtjen e kongresit partiak. Në këtë kuvend zgjedhor mori pjesë edhe Kryetari i RDK-së, Vesel Memedi i cili foli rreth aktualitetit politik në vend.
“Ky besim i dhënë për së dyti më obligon edhe më shumë që të kujdesem fuqishëm për organizimin edhe më të madh politik në kuadër të RDK-së në Komunën e Vrapçishtit. Këtë rol do ta kryej me sinqeritetin dhe nderin më të madh në dobi të kombit shqiptarë, dhe për këtë arsye, theksoi kryetari i sapozgjedhur i degës, kërkohet angazhim dhe mobilizim i jashtëzakonshëm i gjith njerëzve të vullnetit të mirë në kuadër të RDK-së. “tha Demiri.

“Vendi ndodhet para një stuhie të madhe dhe për këtë arsye kërkohet urtësi dhe mençuri veprimi me qëllim që kombi shqiptarë të jetë i përgatitur për sfidat e mëdha që e presin vendin dhe rajonin. Në këtë drejtim, bara bie mbi udhëheqësit e partive politike që të tregojnë urtësi veprimi sepse çdo veprim i përshpejtuar mund të shkaktojë pasoja të rënda në këto momente vendimtare për vendin dhe rajonin në përgjithësi.” tha Vesel Memedi.

Ai theksoi se udhëheqësia e RDK-së ka treguar pjekuri të lartë në këtë drejtim, me qëllim që në asnjë variant mos të dëmtohet procesi i çështjes kombëtare, pavarsisht sulmeve dhe kritikave naive të shumë dashakeqeve të këtij procesi. Sipas Memedit, zbulimi i së vërtetës të organizimit politik dhe shoqërorë do të vërtetojë rrugën e secilit prej nesh se kush ka ndihmuar apo penguar zhvillimin e çështjes kombëtare, njoftojnë nga shërbimi për informim i RDK-së.

 

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP