Unioni i Dijetarëve Muslimanë kundër Trumpit për “zhvendosjen e ambasadës”

Unioni Botëror i Dijetarëve Muslimanë ka paralajmëruar për mundësinë e një sërë pasojash negative që do të mund të shkaktonte realizimi i dëshirës së presidentit amerikan Donald Trump për zhvendosjen e ambasadës amerikane në Izrael nga Tel Avivi në Jerusalem, raporton Anadolu Agency (AA).

Në njoftimin me shkrim të Unionit u bëhet thirrje liderëve të botës islame që me politikë të përgjegjshme dhe konkrete të mbrojnë Jerusalemin dhe çështjen palestineze, ndërsa organizatave dhe institucioneve ndërkombëtare u apelohet që të sigurojnë të drejtat dhe liritë e popullit palestinez.

“Kjo situatë në mënyrë shtesë shtyn botën e copëtuar islame në ndasi të reja. Qëllimi i presidentit amerikan Donald Trump që ambasadën nga Tel Avivi ta shpërngul në Jerusalem është hap në këtë drejtim. Kjo është edhe shkelje e rezolutës së Kombeve të Bashkuara”, thuhet në njoftimin e Unionit.

Nga Unioni Botëror i Dijetarëve Muslimanë paralajmërojnë se ideja e zhvendosjes së ambasadës amerikane në Jerusalem është e papranueshme dhe dënojnë veprimet e njëanshme të “okupatorit” në Jerusalem dhe në mbarë territorin palestinez.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP