Trump sulmon mediat për numrin e audiencës në inaugurim
Presidenti i Amerikës, Donald Trump ka akuzuar mediat për raportimin siç ka thënë ai jo të drejt rreth pranisë së njerëzve në inaugurimin e tij, shkruan BBC.
Ai ka thënë se turma ka arritur monumentin në Uashington derisa sa foli në kryeqytetin e SHBA-së, pavarësisht se fotografitë dokumentonin të kundërtën, transmeton Klan Kosova.
Më pas edhe sekretari i Shtëpisë së Bardhë për media, ka thënë se “ka qenë audienca më e madhe që është parë ndonjëherë në inaugurim”.
Ndërsa të shtunën, miliona njerëz në SHBA por edhe gjithandej botës protestuan kundër administratës së re të Trump.
Pjesa më e madhe e tyre ishin në Uashington, sipas të dhënave zyrtare më shumë se 500 mijë veta. Sipas vlerësimeve thuhet se ajo ka tejkaluar numrin e të pranishmëve në inaugurim gjatë të premtes.
