Sindikata e MPJ-së: Deputeti Popovski po bën paraqitje të rrejshme si ministër
Sindikata e Shërbimit Diplomatik të Maqedonisë (SSHDM), sot nëpërmjet letër së hapur deri te ushtruesi i detyrës (u.d.), ministri për Punë të Jashtme, Ilija Icajllovski, ka kërkuar që ta ndalojë, Nikolla Poposki, që të paraqitet rrejshëm si ministër, njofton Portalb.
“Pas kryerjes së ekspertizës në rregullativën ligjoro-kushtetuese, me nenet 63 të Kushtetutës, dhe 5 dhe 9 të ligjit për deputetë, por edhe të nenit 8 të Kodit Zgjedhor, shihet se deputetit Poposki iu ka ndaluar funksioni si zëvendës-kryeministër dhe ministër i Punëve të Jashtme nga dita kur është verifikuar mandati si deputet. Të shqyrtohen mundësitë për përgjegjësi penale”, thonë nga SSHDM.
Nga Isajllovski ata kërkojnë:
- Urgjentisht të na sqaroni se në bazë të çfarë i është lejuar që deputeti Poposki ta shfrytëzojë kabinetin e MPJ-së.
- Urgjentisht të korrigjohen të gjitha dezinformatat në ueb-faqen e MPJ-së, ku deputeti Popovski figuron si ministër i MPJ-së.
- Urgjentisht të hapet kjo çështje në seancën e Qeverisë (nëse mbahen), pasi që kjo është e kundërligjshme.
