Linda Halimi rrëfen sakrificat e dietës së rreptë: Nga 113 kg, arrita të bëhem një kukull barbie

Linda Halimi, këtë fillimvit e ka nisur me një intervistë interesante për revistën amerikane “People”, në të njëjtën kopertinë me Oprah Winfrey. Në intervistën për revistën prestigjioze, ajo është shprehur e emocionuar për mundësinë dhe hapësirën që “People Magazine” i ka ofruar asaj, duke thënë se sa privilegj i madh është për të të jesh në kopertinën e kësaj reviste ndërkombëtare, dhe për më tepër të jesh afër Oprah Winfrey, shkruan revista Class.

Këngëtarja që do të përfaqësojë Shqipërinë në Festivalin Europian me produksionin “Botë”, ka rrëfyer shumë detaje nga jeta e saj si artiste shqiptare, por pyetjet e gazetarit ishin përqendruar te mbipesha e dikurshme dhe pesha aktuale, pasi kjo, me sa duket, ka qenë tema e këtij numri të revistës për gjithë personazhet në të.

Linda ka çuditur me deklaratën se dikur peshonte 113 kg, para se të vendoste të binte në peshë, në sajë të vullnetit në mbajtjen e një regjimi të rreptë ushqimor dhe shumë ushtrimeve në palestër.

“Më ngacmonin të bëhem një kukull barbie shumë me vite të tëra për peshën, aq sa një ditë në autobus më ngatërruan për grua shtatzënë. Mund të them se ky ishte momenti kur unë nisa të bëja ndryshim drastik të trupit tim”, – është shprehur Linda.

Ajo tregon për luftën në Kosovë dhe çfarë ka vuajtur familja e saj gjatë asaj periudhe, duke treguar që viti 2009 ishte periudha më e keqe për të, pasi atë vit peshonte 113 kg.

“Më kujtohet edhe hera e parë kur provova picën, nuk e kisha idenë se çfarë pice ishte, dhe bëja gara me vëllain vetëm se kush të hante më shumë pica. Tani që e mendoj e tmerrshme, e di”, – ka rrëfyer Halimi.

Nuk është hera e parë që Linda flet për mënyrën si i ka hequr kilet. Gjatë një interviste për gazetën “Panorama”, ajo ka treguar se aktualisht peshon 43­-44 kg.

“Gjithçka e kam arritur në mënyrë natyrale, me not, ushtrime kardiovaskulare, ngritjet e peshave, ushqim i shëndetshëm. Kam 3 vite që s’ha fast­ food ose brumëra. Nuk ha ëmbëlsira, nuk pi alkool ose pije të gazuara e me sheqer. Konsumoj vetëm peshkun, sallatat, vezë, mish të bardhë pule, mish viçi, mish bibe etj. Ndërsa nga pijet vetëm ujë, çaj, ose smoothies (pemë dhe perime të përziera në jogurt organik me akull)”, tregon ajo.

Lajme të ngjashme

Leave a Reply

Your email address will not be published. Required fields are marked *

Back to top button