Kompletohet Shkëndija, erdhën edhe brazilianët

Shkëndija tani më me formacion të kompletuar po zhvillon seancat stërvitore në kuadër të përgatitjeve dimërore. Dy futbollistët brazilian Stenio Zhunior dhe Viktor Nildo Juffo me vonesë tre ditore bashkohen me skuadrën, pasi moti i keq ndikoi edhe në transportin ajror. Juffo dy ditë qëndroi i bllokuar në Stamboll të Turqisë për shkak të anulimit të fluturimeve drejt Shkupit, ndërsa u desh të ndryshojë destinacionin përfundimtar të fluturimit duke ateruar në Tiranë.

Në kryeqendrën shqiptare arriti edhe Zhunior, kështu që dy futbollistët të martën udhëtuan drejt Tetovës, ndërsa prej sot u bashkuan me ekipin në seancat stërvitore. Të dy kishin takimin e parë me shefin e ri të stafit teknik, Tomas Brdariç, i cili i njoftoi brazilianët për planet në fazën përgatitore dhe atë që duhet punuar në vazhdim. Për të dy futbollistët brazilianë problem disa ditë do të jetë përshtatja me temperaturat e ulta, pasi pësojnë ndryshim të madh duke ardhur tekstualisht nga ‘plazhi’ në ‘borë’.

Ndryshe ekipi pasi dy ditët e kaluara përfundoi ekzaminimet mjekësore në Prishtinë, prej sot vazhdoi punën në Tetovë, ndërsa për shkak të temperaturave të ulta dhe borës stërvitjet realizohen në palestër. Futbollistët sot paradite të ndarë në dy grupe kryen testet YoYo, ndërsa pas dite stafi teknik vazhdoi me seancat stërvitore sipas planprogramit.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP