Halili ka angazhuar ekspertë të jashtëm për analizën e Marrëveshjes së Ohrit

Me aktualizimin e temës për analizën e Marrëveshjes së Ohrit, zëvendëskryeministri Festim Halili ka angazhuar ekspertë të jashtëm, të cilët rishikojnë dhe mbikëqyrin të gjitha procedurat e prokurimit publik dhe do të kërkojnë informacione shtesë nga vetë kompania fituese, që ka marrë përsipër realizimin e analizës dhe konferencës që rrjedh nga kjo analizë, thuhet në sqarimin e dërguar nga Sekretariati për implementimin e Marrëveshjes së Ohrit rreth aktualizimit të temës për analizën e Marrëveshjes së Ohrit.

“Marrëveshja e Ohrit është dokument tejet i rëndësishëm për vendin tonë, dhe si të tillë, ne angazhohemi që analizat vjetore, raportimet dhe konferencat kushtuar këtij dokumenti të mbajnë korrektësinë dhe seriozitetin e duhur. Sekretariati për implementimin e Marrëveshjes së Ohrit do të mbetet i përkushtuar dhe i gatshëm të përcjellë çdo informacion që do të sillet nga institucioni ynë”, citohet në sqarim. /MIA

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP