Atë që bën Patrisi për Tunën, të gjitha vajzat e ëndërrojnë nga partneri
Që kur marrëdhënia e tyre u bë publike, as Tuna dhe as Patrisi nuk i fshehin më dedikimet, mesazhet dhe as përkushtimin ndaj njëri-tjetrit. Edhe pse mjaft të kujdesshëm për të ndarë me të gjithë momente nga jeta e tyre private, ndonjëherë ҫastet e bukura nuk ua kursejnë edhe fansave, shkruan revista Class.
Tani që Tuna është tërhequr nga muzika dhe po shijon në maksimum pritjen e ëmbël, Patrisi ka marrë frenat e punëve të shtëpisë. Madje edhe të gatimit për njeriun e zemrës.
Në një foto të fundit të postuar në Insta Story, Patrisi tregon se është duke gatuar pulë me speca për dashurinë e jetës së tij. Këtë shkruan edhe në krah të fotos: “Duke gatuar për dashurinë time…”
Duket se Tuna është fatlume gjatë këtyre muajve të shtatzënisë dhe e përkëdhelura e familjes. Kush nuk do të donte një partner si Patrisi?
