“Aleanca për Shqiptarët” dhe “Rilindje me Besë”, nuk do të koalicionojnë me mandatarin Gruevski

Dy koalicionet politike të cilat firmosën platformën e shqiptarëve, koalicioni Rilindje me Besë dhe Aleanca për Shqiptarët menjëherë pas dhënies së mandatit për krijimin e qeverisë së re, deklaruan se nuk do të bashkëpunojnë me Gruevskin.

Nënkryetari i Lëvizjes BESA, Zeqirija Ibrahimi ritheksoi sot se nuk do t’i përgjigjen ftesave dhe ofertave të Gruevskit për krijimin e qeverisë së re.

Sipas tij, në qeverinë e re nuk duhet të përshihen politikanë të dyshuar për krim dhe korrupsion dhe të cilët janë duke u hetuar nga Prokuroria Speciale.

Aleanca për Shqiptarët nuk do të marrë pjesë në përbërjen e qeverisë së re, deklaroi Zulfi Adili nga Uniteti, pjesë e Aleancës për Shqiptarët, pas lajmit se sot presidenti Ivanov i dha mandatin liderit të VMRO-DPMNE-së, transmeton Alsat M.

Adili theksoi se ”Uniteti nuk ndryshon qëndrimin e kushtetutës në platformën të cilën e përkrahën partitë shqiptare, e cila është bazë për negocimet për formimin e qeverisë së re”.

Vesel Memedi, lider i RDK-së, parti e cila gjithashtu është pjesë e Aleancës për Shqiptarët, thotë se gjithsesi për ta më e rëndësishme është platforma.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP