Agron Memedi pensionohet nga futbolli aktiv

Skuadra e Renovës do të mbete pa njërin nga futbollistët e saj më të mirë, që në vitet e fundit ishte bartës i lojës së “gipspunuesve”. Bëhet fjalë për mbrojtësin Agron Memedi i cili ka marrë vendimin që t’i thotë lamtumirë futbollit aktiv.

Mbrojtësi me përvojë Memedi solli këtë vendim që të tërhiqet në moshën 36-të vjeçare, pasi ka vlerësuar tani është momenti i duhur që tu le hapsirë gjenratave të reja. Nga skuadra e Renovës në një prononcim për televizionin “Shenja”, kanë potencuar se pensionimi nga futbolli aktiv i Memedit nuk nënkupton largimin e tij nga skuadra, pasi kryesia planifikon t’i ofrojnë post në kryesi.

Agron Memedi është një prej mbrojtësve të majtë më të mirë që kanë luajtur në Ligën e Parë të futbollit të Maqedonisë, ndërsa ai me këtë skuadër ka fituar titullin e kampionit shtetëror dhe atë të Kupës së Maqedonisë, ndërsa në supet e tija ka edhe disa paraqitje për përfaqësuesen A të Maqedonisë. Memedi përveç se ka laujtur me Renovën, ai një kohë ishte pjesë edhe e Shkëndijës dhe Metalurgut. /Portalb.mk/

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP