Zëvendëskryeministri Ademi promovoi Projektin për rregullimin e shtratit të lumit të Kumanovës

Me iniciativën e zëvendëskryeministrit të Republikës së Maqedonisë, përgjegjës për Çështje Evropiane, Arbër Ademi, me përkrahjen e UNDP-së dhe ndihmën e ministrisë së Mjedisit Jetësor dhe Planifikimit Hapësinor, dje në Lagjen Dardania në qytetin e Kumanovës u promovua projekti për rregullimin e shtratit të lumit të Kumanovës.

Ky projekt arrin vlerën prej rreth një milion euro, përfshirë këtu edhe fazën e pregatitjes së dokumentacionit dhe realizimit. Projekti parashikon punime në një gjatësi prej 1.8 km duke filluar nga autostrada përskaj stadionit të ekipit futbollistik Bashkimi, Parkut të Qytetit, Lagjes së Romëve, e deri tek bashkimi i lumit të Likovës me lumin e Kumanovës.

Projekti paraqet një nga investimet më të rëndësishme për përmirësimin e  standardit jetësor të qytetarëve tonë.

Projekti do të realizohet nga UNDP si bartës i projektit dhe me ndihmën e Ministrisë së Ambientit jetësor dhe planifikimit hapsinor si investitor i pjesshëm me shumë afër 9 milionë denarë.

Ky bashkëpunim është një shembull i shkëlqyer për koordinimin dhe realizimin e aktiviteteve të përbashkëta, mes institucioneve te vendit dhe miqve tanë ndërkombëtarë.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP