Qytetarët: Biletat elektronike dhe ato shëndetësore projekte të panevojshme!

Qytetarët filluan të ankohen lidhur me biletat elektronike të cilat filluan të përdorën që nga fillimi i këtij viti, duke i lënë jashtë përdorimit biletat e deritanishme. Ata thonë për Portalb.mk që nuk ishte nevoja të bëhen bileta të tilla.

“Nuk e di pse harxhojnë para në gjëra koti dhe të panevojshme, bileta kishte dhe funksiononte shumë mirë si linja private ashtu edhe ajo e shtetit por ja që dikush duhet të mbush xhepat në kurriz të popullit”, tha Marjan T., banor.

“Së pari duhet të rregullohen linjat si duhet e jo për një autobus të qytetit të pritet më shumë se gjysëm ore dhe pastaj ai t mbushet aq sa mos të mund të merret frymë. Kjo gjendje është e vazhdueshme në linjën e autobusit numër nëntë. Standardet nuk i kanë askund kurse kërkojnë të fusin teknologjitë më të reja”, tha Anastasija R., banorë.

Ata bëjnë krahasim e projektit të biletave me atë të kartelave shëndetësore, të cilat ende nuk funksionojnë ashtu siç ishte paraparë.

“Këto janë projekte të panevojshme, si kjo e si ajo me kartelat shëndetësore të cilat ende nuk mund të përdoren pa librezën e vjetër. Pse paguajmë për gjëra që nuk na duhen”, tha Admir A.,banor.

“Nuk e di se si do të funksionojë, unë për shembull nuk e përdori autobusin, por ndodh ndonjëherë që do të kem nevojë të hipi, si do ja bëj, nëse nuk e kam kartelën. Është shumë konfuze kjo punë”, tha Irfan G.,banor. / Portalb

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP