ZGJOHEM…
Lidhur në fije merimange
relikes harresë
në hapësira boshe …, mbushur mjergull
Me shikimet mbuluar
flokësh trazuar kujtimesh të venitura
që zgjohen kalimthi …
në ndjekje të një vegimi
I hershëm përjetim…, ngjyrash e imazhesh
që kapërcejnë distanca kohërash
me hapa të rëndë gjigantësh…
Fundosur ndjesish
ndër rrënjë – metastazë lidhur në vrazhda shpirti
që kërkon shpëtim atje …,përtej imagjinatës
Në një feksje të dridhur
aurorash shprese
ti shfaqesh dritë
E lehtësisht në qiej ngrihem
yjesh ndizem,
dëshirën prek…
Autore: Juljana Mehmeti
