Serbia shkel marrëveshjen, kthen emigrantët
Serbia në kundërshtim me marrëveshjen ndërkombëtare ka filluar t’i kthejë në drejtim të Maqedonisë emigrantët të cilët për një kohë më të gjatë nuk mund të kalojnë nga territori serb në Hungari dhe në Kroaci. Vetëm në muajin nëntor janë kthyer 1.150 persona. Në pranverë me rritjen e temperaturave pritet të rritet fluksi refugjatëve.
“Ata njerëz janë lodhur maksimalisht. Atë që ne mund ta bëjmë për ata është t’u japim një përgjigje humane në këto momente, por në asnjë situatë nuk mund t’i pranojmë në kampe”, u shpreh Goran Stojanovski, udhëheqës i kampit në Tabanocë, transmeton Alsat M.
