KE: Zgjedhjet, nën llupën e ndërkombëtarëve
Brukseli vlerëson se zgjedhjet e të dielës paraqesin mundësi për një fillim të ri për vendin. Zëdhënësja e Komisionit Evropian Maja Kocijançiq theksoi se është koha që Maqedonia t’i kthehet qëllimeve strategjike dhe integrimit në BE.
Kocijançiq tha se vendi gjithashtu duhet të fokusohet në përmbushjen e obligimeve të tjera që dalin nga Marrëveshja e Përzhinës ndërkohë që nënvizoi se procesi zgjedhor është vendosur nën llupën e faktorit ndërkombëtar, transmeton Alsat M.
