Shaban Tërstena në stilin e kampionit promovoi librin e tij

Sot në ambientet e hotel “Aleksandar Palace” në Shkup, kampioni olimpik në mundje, Shaban Tërstena promovoi librin e tij me titull “Rruga e kampionit olimpik”, me autor: prof.dr. Sefer Tahiri, gazetari sportiv, Reshat Ibrahimi dhe Florim Rexhepi.

Kjo libër përbëhet nga fakte interesante nga jeta e Tërstenës, ku përshkruhet karriera e tij 19 vjeçare, vështirësitë dhe sukseset në planin sportiv.

Djaloshi i cili rrugëtimin drejt piedestalit më të lartë në sport e kishte nisur nga lagja e Gazi Babës, Shaban Tërstena, arriti të gjitha sukseset e mundshme të një sportisti të rangut më të madh botëror. Në praninë e familjarëve, miqve, medieve të shumta, kolegëve dhe njerëzve sportiv, Shaban Tërstena i përkujtoi edhe një herë momentet më interesante të karrierës së një sportisti që arriti majat e suksesit.

“Ndjehem shumë mirë kur po shoh shokët e mi, sportist dhe futyra të medieve në këtë ngjarje. U rrita në një lagje të varfër, kalova një jetë të vështirë të sportistit, por më në fund ja arrita. Në Los Angjelos kishte ushqime të llojllojshme, të cilat asnjëherë nuk i shijova, por unë nuk kisha nevojë për një luks të tillë, ushqim të shtrenjtë, por para se të shkoj në Los Angjelos, duhej të dobësohem për 14 kilogram dhe e fitova medaljen e artë olimpike. Me rëndësi për mua ishte të fitoj dhe e arrita qëllimin tim”, tha Tërstena në promovimin e librit të tij.

Në këtë promovim morën pjesë më shumë se 200 mysafirë të fushave të ndryshme nga Maqedonia, Kosova dhe Shqipëria. /Portalb.mk/

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP