“Metamorfozis” shpall konkurs për grante të vogla në kuadër të projektit “Action SEE”
Fondacioni për Internet dhe Shoqëri “Metamorfozis” nëpërmjet projektit “Action SEE” ka shpallur kërkesa për aplikime për sigurimin e mbështetjes së organizatave qytetare dhe promovimin e sundimit të drejtës dhe qeverisjes së mirë, nëpërmjet ndarjes së 25 deri 30 grante të vogla për organizata qytetare nga Maqedonia, Serbia, Bosnja dhe Hercegovina, Mali i Zi, Shqipëria dhe Kosova.
Do të ndahen dy lloje të granteve, të cilat do të kenë vlerë nga 6.000 deri më 8.000 euro për çdo grant:
- Mbështetje për organizatat lokale qytetare gjatë zbatimit të iniciativave në kuadër të një vendi.
- Mbështetje për organizatat qytetare gjatë zbatimit të iniciativave ndërmjet dy ose më tepër vendeve nga rajoni.
Do të sigurohet mbështetje për fushata të targetuara për përfaqësim dhe iniciativa për politika që do të kontribuojnë për arritjen e këtyre qëllimeve të përgjithshme të ACTION SEE:
- Përmirësimi i përfshirjes së shoqërisë qytetare dhe organizatave mediatike në krijimin e mendimit publik, krijimin e politikave dhe pjesëmarrjen në mekanizmat për marrjen e vendimeve;
- Rritja e kapaciteteve të shoqërisë qytetare që t’i ndërtojë grupet e saj të synuara dhe t’i trajtojë çështjet me rëndësi për shoqërinë.
Nga iniciativat e mbështetura nga Skema e granteve të vogla pritet të fokusohen në trajtimin e çështjeve në lidhje me sundimin e të drejtës dhe qeverisjen e mirë, veçanërisht që kanë të bëjnë me antikorrupsionin, transparencën dhe qasjen në informata, mbrojtjen e të dhënave dhe shfrytëzimin e mjeteve publike në këto fusha të targetuara:
- Аkti për qaasje të lirë deri te informatat publike (Liria e informimit – LEI)
- Financimi i partive politike
- Praktikat korruptive për furnizimet publike
- Ryshfeti
- Privatësia dhe siguria
- Dhuratat/sponsorimet
- Çështje të rëndësishme që kanë të bëjnë me zgjedhjet
- Keqpërdorimi i detyrës zyrtare
- Nepotizmi
- Tjetër
Grantet fillimisht do t’i targetojnë organizatat më të vogla qytetare që t’u ofrohet një përvojë mësimi dhe t’u ndihmohet gjatë ndërtimit të kapaciteteve të tyre për tërhequr mjete financiare që më pas të marrin pjesë në thirrjet për grante të shpallura nga BE-ja dhe donatorët e tjerë. Pastaj, do të kërkohet që të nënshkruhet partneritet me së paku një medie.
“Nga iniciativat pritet që të fokusohen në drejtim të çështjes në lidhje me sundimin e ligjit dhe qeverisjes së mirë, veçmas lidhur me antikorrupsionin, transparencën dhe qasjen deri te informatat, mbrojtjen e të dhënave dhe shfrytëzimin e mjeteve publike në më shumë fusha”, thonë nga “Metamorfozis”.
Thirrja e plotë si dhe formularet për aplikim gjenden në këto linqe:
- Thirrja për mbështetjen e aksioneve të rrjeteve të organizatave qytetare (në gjuhën angleze)
- Formulari për aplikim (në gjuhën angleze)
- Formulari për buxhetin (në gjuhën angleze)
- Formulari për kornizën kohore për implementim (në gjuhën angleze)
Afati për dorëzimin e aplikimeve të kompletuara është deri më 15 janar të vitit 2017, deri në orën 16:00, vetëmnëpërmjet formularit për aplikim onlajn. Formularet për aplikim duhet të plotësohen në gjuhën angleze.
Aplikuesit që do të kenë nevojë për sqarime ose informata plotësuese për këtë thirrje, mund të drejtohen në [email protected] para 20 dhjetorit të vitit 2016, që të marrin pjesë para se të kalojë afati.
Projektit Përgjegjësi, Teknologji dhe Rrjet i institucioneve të hapura në Evropën Juglindore – ACTION SEE është i financuar nga Bashkimi Evropian, ndërsa implementohet nga Fondacionit Metamorfozis, Fondacioni Westminster për demokraci nga Britania e Madhe, CRTA – Qendra për hulumtim, transparencë dhe llogaridhënie nga Serbia, Shoqata e qytetarëve “Why not?” nga Bosnja dhe Hercegovina, Qendra për tranzicion demokratik nga Mali i Zi, Open Data Kosovo (ODK) nga Kosova, dhe Lëvizja Mjaft! nga Shqipëria.
Për më shumë rreth konkursit mund të shihni: KËTU
