Nicole Kidman kujton me nostalgji vizitën në Kosovë (Foto)
Ajo me nostalgji ka kujtuar kohën kur ka vizituar Kosovën në vitin 2006.
Aktorja hollivudiane ka pohuar se pas vizitës në Kosovë kishte kuptuar se puna e Fondit të Mirëbesimit të OKB-së po ia vlente, transmeton Telegrafi.
“Kur u bëra dhjetë vjet më parë ambasadore e vullnetit të mirë e Kombeve të Bashkuara, misioni im i parë ishte vizita në Kosovë, ku takova gra dhe vajza që i kishin mbijetuar dhunës”, ka shkruar Kidman.
“Kjo ishte hera e parë që kuptova se po ia vlente puna e Fondit të Mirëbesimit të OKB-së. E pashë nga dora e parë se janë bërë ndryshime në jetën e grave dhe vajzave. Ato gjetën strehë edhe fëmijët e tyre. Pranuan këshilla për të tejkaluar traumën e përdhunimit që kishin pësuar gjatë luftës dhe rrënimit në Ballkan”, ka pohuar Kidman.
“Ishte një përvojë në ndryshimin e jetesës për mua dhe që më ka frymëzuar tej mase.“Në ‘Giving Tuesday’ të sigurohemi se gratë se vajzat mund të përfitojnë nga puna e madhe në bamirësi”, ka përfunduar Kidman.
