Ende mungon liria e shprehjes tek mediat
Liria e fjalës është një ndër drejtat kyesore e cila është e garantuar në shumë mekanizma si shtetrorë ashtu edhe ndërkombetar. Liri e fjales ka të bëjë me të shprehurit lirshëm të medimimit pa pasur frikë nga asgjë. Varesisht se sa është e zhvilluar liria e fjalës në një vend varet krejt nga ajo se sa është ai vend demokratik. Mirëpo sa është e zbatueshme kjo liri në vendin tonë?
Krahasur më atë qe jemi vend i cili nuk ka kohë te gjatë që prej mbarimit të luftës në Kosovë është krijuar një pluralizëm i madh i mediave, duke mundësuar kështu përhapjen e shpejtë të informacionëve.
Shumë media në Kosovë, por edhe në vende tjera shpeshëher janë“viktimë” e interesave të grupeve të ndryshme politike duke mos guxuar të publikojnë lajme të balancuara dhe profesionale, mirëpo ato bëjnë selektimin e informacionëve të cilat janë vetëm në te mirën e grupeve politike. Njëkohësisht gazetarët në përgjithësi përballen me kërcënime, sulme, presion dhe ndërhyrje në punën e tyre qoftë brenda mediumit, apo qoftë edhe jashtë.
Përkundër debateve e fjalëve te shumta ende nuk po shohim një ndryshim të gjendjes së lirisë së mediave. Edhe pse Kushtetuta e vendeve në përgjithësi garanton lirinë e mediave me ligjet e saj , këto ligje shpeshëherë janë të shkelura mandje edhe nga vet ata të cilët kanë krijuar këto ligje. Se sa janë të lira mediat shihet në bazë të asaj se si zhvillohet veprimtaria e mediave në përgjithësi. Sot ne shohim raste të ndryshme që e dëshmojnë se liria e mediave është e kufizuar.
Megjithatë duke u bazuar në raportin e fundit “Freedom House” mbi gjendjën e mediave në Kosovë, liria e shprehjes në Kosovë ka shënuar një përparim të lehtë, , mirëpo gazetarët ende vazhdojnë të përballen me presione dhe kërcënime. Sipas raportit, mediat në Kosovë kanë shënuar një përparim të lehtë, nga 5.50 sa ishte në vitin e kaluar në 5.25 pikë prej 7 pikëve sa janë në përgjithësi. Në vitin 2015 më shumë se 27 gazetarë kanë raportuar në Asociacion e Gazetarëve të Kosovës, për kërcënime nga palë të pakënaqura me punën e tyre dhe dhjetëra të tjerë për kushte të rënda pune.
Duke u bazuar në të gjitha këto statistika institucionët e Kosovës duhet që të punojnë ende shumë në mënyrë që liria e mediave të jetë në nivelin e duhur dhe gazetarët të ushtrojnë siq duhet profesionin e tyre. Duhet shpresuar që me disa ndryshime gjithqka do i kthehet normalitetit, se kur do ndodh kjo mbetet të shihet.