E pse Gruevski të mos shkojë në këmbë?!

[Recension: A KA MUNDËSI ZAEVI OSE ÇADRA TË SHËTISIN KËSHTU LIRSHËM: Lideri i VMRO-DPMNE-së në mes të popullit!]

Tеksti që i nënshtrohet këtij recensioni, që në titull e lartëson liderin e VMRO-DPMNE-së, Nikolla Gruevskin, për shkak se “lirshëm ka shëtitur në mesin e njerëzve të zakonshëm”! E si duhet të shëtisë lideri i një partie?! Dhe pse shëtitja e Gruevskit, prej Muzeut të VMRO-së deri te selia e VMRO-DPMNE-së, duhet të konsiderohet si një arritje e madhe me të cilën duhet të entuziazmohemi?

zaev

Linku deri te artikulli origjinal: A KA MUNDËSI ZAEVI OSE ÇADRA TË SHËTISIN KËSHTU LIRSHËM: Lideri i VMRO-DPMNE-së në mes të popullit!

Data dhe koha e publikimit: 12.05.2016

Data e recensionit: 12.05.2016

Recensues: Silvana Zhezhova

LAVDËRIM

Ky material me anshmëri të theksuar, e lartëson liderin e VMRO-DPMNE-SË, duke e paraqitur si politikan të afërt me popullin, i cili nuk “vuan” nga luksi dhe në vend që të vozisë automobila të shtrenjtë ecën në këmbë.

Pas përfundimit të masës së re për automobilizëm dhe ekologji, lideri i VMRO-DPMNE-së prej muzeut të VMRO-së deri në kabinetin e tij në selinë e partisë shkoi në këmbë. A ka mundësi Zaevi kështu të shëtisë nëpër Shkup? Apo ndoshta çadra do të shëtisë kështu?

Megjithatë, fotografia e këtillë për një politikan modest nuk përputhet me tregimin për blerjen e Mercedesit në vlerë prej 600.000 еurosh, që është publikuar në njërën nga bisedat e përgjuara të opozitës dhe ku socialdemokratët thonin se është i përfshirë ish-kryeministri – lideri i VMRO-DPMNE-së.

Pastaj teksti në frymën e njëjtë lavdëruese thotë se:

Ai i cili është vetëm një pjesë e vogël e popullit, ai që është zgjedhur nga populli ta përfaqësojsë dhe ta udhëheqë Maqedoninë, vetëm ai mundet lirisht dhe pa frikë të shëtisë në këmbë kudo qoftë në vendin e tij.

Mirëpo, artikulli nuk ofron argumente se populli në zgjedhje demokratike ia ka dhënë besimin Gruevskit dhe partisë së tij. Përkundër pohimit të këtillë, “bombat” të cilat i publikoi оpozita vitin e kaluar, flasin për mashtrime zgjedhore, blerje të votave dhe falsifikim të rezultateve zgjedhore. E poashtu, edhe Prokuroria speciale publike ka dëshmitarë që vërtetojnë se funksionarë të lartë të pushtetit kanë kurdisur zgjedhje.

Теksti që e kemi para nesh aq shumë e lavdëron Gruevskin, sa që duket i pahijshëm, lajkatues. Publikimi, përndryshe, bazohet vetëm në një video të shkurtër (15 sekonda) prejardhja e së cilës nuk mund të vërtetohet, dhe mund të jetë produkt i shërbimeve për PR të partisë në pushtet, që është përgatitur për qëllime propaganduese. E pikërisht një përshtypje të tillë propaganduese le ky material që e lartëson liderin e VMRO-DPMNE-së për shkak se ka ecur në këmbë!

 


Ky recension është përgatitur nga kuadër të Projektit të USAID-it për përforcimin e mediumeve në Maqedoni – Komponenta Shërbimi për verifikimin e fakteve nga mediumet, që implementohet nga fondacioni Metamorfozis.. Ky recension është mundësuar me përkrahjen e Agjencisë amerikane për zhvillim ndërkombëtar (USAID). Përmbajtja e analizës është përgjegjësi e autorit dhe nuk i paraqet qëndrimet e fondacionit Metamorfozis, USAID-it ose të qeverisë së SHBA-ve. Për më tepër informata për punën e USAID-it në Maqedoni, ju lutemi vizitoni ueb-faqen e USAID-it: (http://macedonia.usaid.gov) dhe faqen e USAID-it në Facebook: (www.facebook.com/USAIDMacedonia).

 

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP