Refuzimi i ligjeve të kërkuara nga PSP, faktori ndërkombëtar me porosi për partitë politike

Zyrat e delegacionit të BE në Shkup

Zyrat e delegacionit të BE në Shkup

Pasi që shumica parlamentare i refuzoi propozimet e Prokurorisë Speciale (PSP), në pjesën për zgjatjen e afatit për hetime, por edhe për ndryshime në ligjin për mbrojtjen e dëshmitarëve, Delegacioni i Bashkimit Evropian në Shkup, ka reaguar duke e përsëritur qëndrimin e saj, gjegjësisht u ka bërë thirrje nënshkruesve të Marrëveshjes së Përzhinës që t’i përmbahen marrëveshjes dhe ta përkrahin PSP-në, njofton Portalb.

“Për rolin e PSP-së u morën vesh të gjitha partitë, si pjesë e Marrëveshjes së Përzhinës. Të gjitha partitë disa herë kanë qenë të angazhuar që ta përkrahin punën e PSP-së. BE i inkurajon të gjitha veprimet në përputhje të detyrimeve dhe e thekson rëndësinë e përgjegjësisë”, thuhet në reagimin e Delegacionit të BE-së në Shkup.

Ambasada e SHBA-ve në Shkup

Ambasada e SHBA-së në Shkup

Për rastin në fjalë, ka reaguar edhe Ambasada e Shteteve të Bashkuara të Amerikës në Shkup, duke theksuar se i inkurajon të gjitha partitë politike që t’u mbahen detyrimeve të cilat i kanë marrë me nënshkrimin e Marrëveshjes së Përzhinës së 20 korrikut, ndërkaq ata shtojnë se në këto detyrime bën pjesë edhe përkrahja e PSP-së.

“I inkurajomë të gjitha partitë që t’u përmbahen detyrimeve që i morën sipas Marrëveshjes së Përzhinës dhe marrëveshjes së 20 korrikut, me të cilat do të duhet të sigurohen zgjedhje të besueshme, punë të papenguar të PSP-së dhe mbikëqyrje të pavarur të mediave. Vendosja e përgjegjësisë për përgjimin e paautorizuar dhe akuzat për keqpërdorim nga pushteti janë kruciale për dalje nga kriza politike në të cilën gjendet Maqedonia. Besojmë se kërkesat e PSP-së për mbështetje themelore dhe hetim të pavarur janë të arsyeshme”, thuhet në reagimin e Ambasadës së SHBA-ve në Shkup, transmeton Portalb.

Ambasada e Holandës

Ambasada e Holandës

Me reagim të njëjtë doli edhe Ambasada e Mbretërisë së Holandës, e cila në reagimin e tyre thonë se roli I PSP-së është kyçe në këtë proces, të cilës i duhet mbështetje nga të gjitha anët.

“Holanda gjithnjë është për llogaridhënie si një ndër kushtet themelore për kthimin e besimit në sistemin politik të shtetit. PSP-ja luan rol të rëndësishëm në këtë proces, për këtë i është e nevojshme mbështetje e vazhdueshme nga të gjitha anët që në mënyrë të papenguar ta kryej misionin e saj, ashtu siç u morën vesh liderët politik, për të mirën e Maqedonisë, qytetarëve dhe ardhmërisë së saj”, thuhet në reagimin e Ambasadës së Holandës.

Eduard Kukan

Eduard Kukan

Eurodeputeti, Eduard Kukan, në një deklaratë për agjencinë e lajmeve “Meta”, shprehi shpresë së Prokuroria Speciale Publike (PSP), do ta fitojë mbështetjen nga institucionet demokratike dhe politikanët e Maqedonisë, njofton Portalb.

“Plotësisht e përkrahi pavarësinë e PSP-së në kuadër të Marrëveshjes së Përzhinës. Shpresoj se ky institucion do të punojë në mënyrë të pavarur dhe do ta fitojë tërë mbështetjen e patjetërsueshme dhe respektin nga institucionet demokratike dhe politikanët e vendit”, deklaroi Kukan, në pyetjen se si e komenton vendimin e djeshëm të Kuvendin e cila i refuzoi propozimet për ndryshimet e ligjit për PSP, gjegjësisht vazhdimin e afatit për hetim, por edhe të ligjit për mbrojtjen e dëshmitarëve.

Pas refuzimit të propozimeve, PSP ka përsëritur qëndrimin duke thënë se “Mos sjellja e ligjit për mbrojtjen e dëshmitarëve do ta rëndojë punën e tyre”.

PSP: Ngelemi të pafuqishëm për disa lëndë, pa ligjin për mbrojtjen e dëshmitarëve

Përndryshe, BDI, PDSH, VMRO-DPMNE dhe LSDM janë katër partitë që u dakorduan për formimin e një Prokurorie Speciale Publike për ndjekjen e atyre që kanë keqpërdorur funksionet shtetërore për t’u pasuruar personalisht. Megjithatë, jo të gjithë partitë e përkrahin njëzëri këtë institucion për përndjekjen e krimit. Ndryshe, edhe brenda partive ka ndarje sa i përket mbështetjes së PSP-së.

Këtë dje e vërtetuan deputetët në Kuvendin e Republikës së Maqedonisë. Ndryshimet ligjore që i kërkon kryeprokurorja Speciale nuk kaluan në Kuvend, përcjellë Portalb.

BDI e ndarë në mbështetjen e Prokurorisë Speciale Publike

Deputetët e BDI-së nuk ishin unik në mbështetjen e këtyre propozim – ligjeve. BDI-ja u arsyetua se ky propozim – ligj është iniciativë e partisë opozitare LSDM dhe se duhet të jetë drejtpërdrejtë nga Katica Janeva për ta përkrahur njëzëri.

Bekim Fazliu për Portalb tha se PDSH e përkrahë punën e PSP, por megjithatë, kujtojmë se në seancë nuk ishin të gjithë deputetët e PDSH-së, kur në rend dite ishte votimi i ndryshimeve që janë kërkuar nga Janeva.

Në bllokun maqedonas, LSDM akuzoi shumicën parlamentare se po e mbron krimin e Nikolla Gruevskit, ndërkaq, VMRO-DPMNE-ja, u arsyetua me atë se, siç thonë ata, PSP-ja për Kuvendin ka thënë se është jo-legjitim.

Janeva e vendosur, personalisht dorëzoi para deputetëve iniciativën për ndryshimin e Ligjit për dëshmitarët e mbrojtur

Këto ndryshime ligjore, Janeva i kërkoi nga Kuvendi me qëllim që të ketë efikasitet më të madh në rastet si “Monstra”, “Sopoti” dhe “Martin Neshkovski”.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP