Ambasadori britanik në Arabinë Saudite kthehet në Islam dhe kryen haxhin

Simon Collis, ambasadori i Britanisë në Arabinë Saudite, është bërë njeriu i parë në këtë detyrë që kryen haxhin.

I kthyer së fundi në Islam, një veteran në fushën e diplomacisë e ambasador në Riad që nga viti 2015, Collis është parë bashkë me të shoqen, Huda Mujarkech, me veshjen e bardhë të pelegrinëve.

Ka qenë një aktiviste ajo që i ka bërë fillimisht publike në Twitter pamjet e ambasadorit britanik me të shoqen në haxh.

“I pari ambasador britanik në mbretëri që kryen haxhin pasi bëhet musliman: Simon Collis dhe gruaja e tij, Huda, në Mekë. Faleminderit Zotit!”, ka shkruar aktivistja.

Diplomati britanik, ndërkohë që e ka falënderuar aktivisten, i është përgjigjur në arabisht një tjetër përdoruesi të rrjeteve sociale se ishte kthyer në Islam pasi kishte kaluar 30 vite në shoqëritë muslimane.

Ndërsa ka studiuar për arabisht, ai e ka nisur detyrën në Bahrejn, ku ka qenë sekretari i dytë i ambasadës britanike në vitet 1981-1984. Në Tuniz dhe në Aman ka shërbyer si zëvendësshef i misionit, për të vijuar në Dubai dhe në Basra si konsull i përgjithshëm.

Ai ka shërbyer si ambasador i Britanisë në Doha në vitet 2005-2007. Më tutje është shpërngulur në Damask,  me të njëjtën detyrë në vitet 2007-2012, e në Bagdad nga viti 2012 në 2014-tën. Në fillim të vitit të shkuar do të emërohej ambasador në Arabinë Saudite, transmeton Tesheshi.com.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP