Shkup, anulohet gazifikimi
Pushteti e ka shtyrë afatin për nisjen e projektin për gazifikimin e vendit për të bërë analiza shtesë, për shkak të ndryshimit të kushteve. Vendimi i këtillë para disa ditëve është publikuar në Gazetën Zyrtare, njofton Alsat-M.
Sipas LSDM-së opozitare, shtyrja e gazifikimit, është argument se pushteti nuk ka për qëllim dhe nuk dëshiron ta realizojnë projektin, por vetëm dëshiron të shpenzojë para në tenderë të shtrenjtë.
Nga ministria e Transportit u përgjigjën se gazifikimi është shtyrë me qëllim të rritjes së atraktivitetit të projektit, dhe së shpejti do të shpallen procedura të reja sipas të cilave rritet mundësia për realizimin e projektit për gazifikim sekondarë të vendit. Ekspertët e energjetikës në vazhdimësi alarmojnë se vendi shpenzon shumë para në projekte joproduktive, ndërsa energjetika është lënë pas dore.