Në Shqipëri besimtarët muslimanë falin namazin e Kurban Bajramit (FOTO)
Mijëra besimtarë muslmanë në kryeqytetin e Shqipërisë, Tiranë, janë tubuar në bulevardin “Dëshmorët e Kombit” për të falur namazin e Kurban Bajramit, raporton Anadolu Agency (AA).
Para faljes së namazit të Kurban Bajramit u lexuan pjesë nga Kur’ani Kerim, u mbajtën ligjërata dhe përshëndetje nga imamë të xhamive të kryeqytetit.
Të pranishëm në këtë namaz, krahas mijëra besimtarëve ishin edhe personalitete të ndryshme të vendit.
Pas faljes në namazit Myftiu i Tiranës, Ylli Gurra, mbajti dhe hutben e rastit.
Ndërkohë namazi i Kurban Bajramit është falur edhe në sheshet dhe xhamitë e tjera të vendit.
Siç edhe është traditë, pas faljes së namazit besimtarët mulsimanë shkëmbejnë vizita mes të afërmeve për të uruar festën e Kurban Bajramit, si dhe presin Kurbanet e blera për këtë ditë të shënuar.
