Ndërpritet linja hekurudhore Selanik-Shkup-Beograd
Prej sot nuk do të qarkullojë treni ndërkombëtar “Helas ekspres” në relacionin Selanik-Shkup-Beograd, njofton Agjencia Informative e Maqedonisë.
Siç informojnë nga Hekurudhat e Maqedonisë Transport, kjo do të ndodhë për shkak të kryerjes së aktiviteteve ndërtimore në territorin e Republikës së Serbisë. Ndërprerja e qarkullimit do të vlejë deri në fund të rendit vozitës 2015-2016, ndërsa vendosja e serishme e linjës së rregullt për udhëtim Selanik-Shkup-Beograd bashkërisht do ta harmonizojnë “HM Transport”, “Serbia voz” dhe “Trainose”-hekurudhat greke.