Mustafa: Demarkacioni përfundon më 1 shtator

Kryeministri i Kosovës, Isa Mustafa, ka thënë se deri më 1 shtator, kur Demarkacioni me Malin e Zi të dërgohet në Kuvend, do të shfrytëzojnë kohën dhe të komunikojnë me opinionin, në mënyrë që të ketë sa më shumë informata, që me këtë marrëveshje, Kosova nuk humbë asnjë pëllëmbë tokë.

Por, shprehet i bindur se më 1 shtator, Demarkacioni do të jetë i përfunduar, transmeton Koha.net

Sipas tij, Komisioni Shtetëror për shënjimin e vijës kufitare ka ofruar të gjitha dëshmitë, pa marrë parasysh, çka thonë të tjerët.

“Janë të pakuptimta insistimet e njerëzve në këtë temë. Pres që deputetët ta votojnë, sepse nuk ka arsye që Kosova të mos ketë kufijtë ndërkombëtar”, deklaroi kryeministri.

Ai thotë se nuk do të rrezikojnë që qytetarët të mbesin të mbyllur, pasi Demarkacioni është një ndër kriteret për liberalizimin e vizave.

Lajme të ngjashme

Leave a Reply

Your email address will not be published. Required fields are marked *

Back to top button