Tmerr! Në sulmin vetëvrasës në Bagdad, 12 të vdekur
Të paktën 12 persona u vranë ndërsa 15 të tjerë u plagosën në një sulm vetëvrasës me bombë që ndodhi në kryeqytetin e Irakut, Bagdad, raporton Anadolu Agency (AA).
Shpërthimi i fuqishëm ndodhi në sheshin Aden në lagjen Kazimiyye të Bagdadit e cila kryesisht banohet nga shiitët.
Një zyrtar në Ministrinë e Shëndetësisë ka thënë se në sulmin vetëvrasës humbën jetën të paktën 12 dhe u plagosën 15 persona.
Në vendin e sulmit kanë arritur një numër i madh i ekipeve emergjente mjekësore ndërsa policia irakiane intensifikoi masat e sigurisë në këtë pjesë të qytetit.
Deri më tani askush nuk e ka marrë përgjegjësinë mbi sulmin.
Sipas të dhënave të OKB-së nga qershori dhuna në Irak shkaktoi të paktën 2.119 viktima.