Vonohen pagat në arsim, shkelet ligji për marrëdhënie pune
Rrogat për të punësuarit në arsim vonohen rregullisht. Me këtë shkelet ligji për marrëdhënie pune që parasheh pagesa të bëhet deri më datën 15 të muajit rrjedhës, për rrogat e muajit të kaluar. Nga sindikata e arsimit dhe shkencës konfirmuan se për një pjesë të komunave rroga e qershorit është paguar dje, ndërsa për një pjesë tjetër pagat janë realizuar sot, njofton Alsat M.
Kryetari i sindikatës së arsimit Jakim Nedelkov thotë se rrogën e marrin më së voni deri me datën 20 të muajit.
Nga Ministria e Arsimit thonë se paratë për rroga në kohë janë hedhur deri tek të gjitha komunat.
Nga Ministria e Financave nuk kanë përgjigje nëse është e mundshme të ndryshohet mënyra e deritanishme e realizimit të pagave për të punësuarit në arsim.
