Nxënësi autik ngel në të gjitha lëndët, mësuesja çudit gjithë botën

Nëna e një djali autik është prekur dhe ka shpërthyer në lot kur lexoi letrën e shkruar nga mësuesja e djalit të saj. Ben Twist është një djalosh 11-vjeçar, i cili u diagnostikua me autizëm kur ishte 5-vjeç. Ai nuk kishte arritur të kalonte në provimet që kishte dhënë në shkollë, ndërsa mësuesja i ka dërguar një letër motivuese dhe shumë prekëse.

Ja çfarë i ka shkruar mësuesja në letër:

Ja çfarë shkruhej në letër:

I dashur Ben,

Po të shkruaj për të përgëzuar për sjelljen dhe suksesin në përfundimin e nivelit kyç të provimeve SAT.

Gil, Lynn, Angela, Steph, dhe Anne kanë punuar aq mirë me ty këtë vit dhe ti ke bërë një progres befasues.

I kam shkruar prindërve të tu dhe ty për t’ju treguar rezultatet e provimeve.

Një pjesë shumë e rëndësishme e informacionit që dua që ti të kuptosh është se këto provime matin vetëm pak nga ty dhe aftësitë e tua. Ato janë shumë të rëndësishme dhe ti ke arritur shumë, por Ben Twist ka aq shumë talente sa që ne te Lansbury Bridge i shohim dhe i matim në një mënyrë tjetër.

Këto talente përfshijnë:

Talentet e tua artistike

Aftësinë tënde për të punuar në skuadër

Pavarësinë tënde që rritet

Mirësjelljen tënde

Aftësinë për të shprehur opinionin tënd

Aftësitë e tua në sport

Aftësinë tënde për të bërë miq

Aftësinë tënde për të diskutuar dhe vlerësuar progresin tënd

Talentet e tua në dizenjim dhe krijim

Aftësitë e tua në muzikë

Ne jemi shumë të kënaqur që të gjithë këto talente dhe aftësi të ndryshme të bëjnë ty ky person i veçantë që je sot dhe këto janë pikërisht ato gjëra që ne i masim për tu siguruar se ti je gjithmonë duke bërë progres e vazhdon të bëhesh një djalë i ri i dashur e i zgjuar.

Të lumtë Ben, ne jemi shumë krenarë për ty.

Urimet më të mira

Znj.Clarkson

/JOQ