Turqi, mbi 2.800 ushtarë të arrestuar për grushtin e shtetit; viktimat rreth 160
Lajmin e bën të ditur agjencia “Anadolu”, sipas të cilës vendimi është marrë në një mbledhje të jashtëzakonshme të Këshillit të Lartë Gjyqësor, këtë të shtunë, transmeton Top Channel.
I njëjti burim shton se mbledhja kishte si qëllim marrjen e masave disiplinore ndaj gjyqtarëve të dyshuar për lidhje me figurën fetare myslimane Fethullah Gulen, që jeton në SHBA dhe që është akuzuar për nxitje të grushtit të dështuar.
Ndërkohë, të dhënat e fundit sa i takon bilancit të viktimave flasin për më shumë se 190 persona të vdekur. Sipas një zyrtari të lartë të policisë, viktimat janë 41 oficerë policie, 2 ushtarë, 47 civilë dhe 104 persona të tjerë të cilësuar si komplotistë. Ndërsa të plagosurit janë 1.154.
10:03 – Pas tentativës për kryengritje nga një pjesë e vogël në ushtrinë turke e cila i përkiste organizatës terroriste FETÖ, kanë reaguar Ambasadat e Turqisë në vendet e Ballkanit, raporton Anadolu Agency (AA).
Në një deklaratë të përbashkët ata janë shprehur: ”Ngjarjet në Turqi është përpjekje për një grusht shteti kundër një qeverie të zgjedhur. Me një unitet dhe solidaritet populli ynë është vënë kundër këtij dukurisë. Presidenti dhe Qeveria aktuale vazhdojnë të jenë në detyrë. Kjo nuk është një ngjarje cila e përfshinë Forcat e Armatosura Turke në tërësi. Është aktivitetet të një grupi brenda Forcave të Armatosura Turke dhe kundër këtij populli ynë ka dhënë përgjigjën e duhur.”
09:40 – Në ngjarjet e ndodhura si pasojë e përpjekjes për kryengritje të Organizatës terroriste të armatosur FETÖ njoftohet se në të gjithë Turqinë, 90 persona kanë rënë dëshmorë, dhe 1.154 të tjerë janë plagosur.
Ndërkohë Ministria e Drejtësisë së Turqisë ka deklaruar se numri i personave të arrestuar ka shkuar në 1.563.
09:00 – Ushtria ka kryer operacion ndaj Komandës Kryesore së 4-të të Bazës Avione ku ka shpëtuar Sehfin e Shtabit të Përgjithshëm të Turqisë, Gjeneralin e Përgjithshëm Hulusi Akar. Akar është duke u dërguar në zonë të sigurt.
08:44 – Ushtarët që okupuan Urën e Bosforit u dorëzuan. Ndërsa u burgosën 50 ushtarë, qytetarët që u ngjitën mbi tanke manifestuan gëzim.
08:21 – Njoftohet se në kuadër të hetimeve të nisura në lidhje me përpjekjen për grusht shteti të anëtarëve të organizatës terroriste seperatiste FETÖ/PDY, në tërë Turqinë janë arrestuar 754 anëtarë të Forcave të Armatosura turke.
08:12 –Sipas informatave të marra nga Ministria e punëve të brendshme, janë arrestuar 336 anëtarë të organizatës terroriste që bëri përpjekje për grusht shteti, FETÖ.
08:07 – Presidenti Erdogan: “Kompania e Fluturimeve Turkish Airlines ka filluar me linjat. Në Ankara ka një problem të vogël. Do të hapet edhe në Ankara. Nuk duhet të ndahemi prej këtu derisa të normalizohet gjendja. Edhe unë nuk do të ndahem.”
06:20 – Ministri i drejtësisë seë Turqisë Bekir Bozdağ: ”Kryeprokurorët Publik në Ankara, Stamboll dhe të gjithë qytetet kanë filluar hetim në lidhje me këtë. Arrestimet mundet që shkojnë vetëm nëpërmjet Stambollit dhe Ankaras, por në shumë vende të tjera të Turqisë janë duke u kryer paraburgime dhe arrestime”
06:00 – Në Turqi situata ka filluar të normalizohet, ndërsa ekipi i Portalb.mk në bashkëpunim me agjencinë e lajmeve Anadolu Agency, përmes kësaj dritare do ti’u sjell lexuesve çdo informacion që vjen nga Turqia pas tentimit për grusht shtet natën e kaluar.
