Flet kushëriri i gruas së sulmuesit të Nices: Ai nuk ishte mysliman, kurrë s’ka shkuar në xhami
Terroristi i sulmit me kamion në Nice të Francës, Mohamed Lahouaiej Bouhlel, ka pak mundësi të ketë qenë xhihadist, i cili e ka shpërfillur çdo ligj të Islamit, kështu thotë kushëriri i gruas së sulmuesit të Nices, Walid Hamou.
Tridhjetë e një vjeçari, i cili tmerroi një Francë të tërë ditën kur vendi po festonte ditën kombëtare, duke ia mësyrë me kamion turmës se njerëzve për të lënë të vrarë 84 njerëz të pafajshëm, ka qenë konsumues i alkoolit, mishit të derrit dhe drogës, përcjell Express.
Ai kurrë nuk ka falur namaz apo shkuar në xhami, insiston kushëriri i tij, dhe ka rrahur gruan e vet më të cilën ka pasur tre fëmijë – dhe ishte në proces të shkurorëzimit.
Bouhlel, i cili ka qenë i njohur për policinë franceze, ka qenë në radar për gjashtë muaj për krime të vogla.
Mësohet se ai kishte humbur punën si shofer i dërgesave të porosive, pasi që kishte fjetur në timon dhe ishte ndeshur me katër makina, si dhe ishte përfshirë në një rrahje në lokal.
Ai tha për MailOnline: “Bouhlel nuk ka qenë fetar. Nuk ka shkuar në xhami, nuk është falur, nuk e ka agjëruar ramazanin. Ka konsumuar alkool, mish derri dhe drogë. Të gjitha këto janë të ndaluara në Islam.”
