Rritet numri i ankesave drejtuar Avokatit te popullit

Gjykata sërish është në vend të parë, në vend të dytë janë të drejtat konsumatore dhe në vendin e tretë është policia, ku më pas vinë marrëdhëniet juridike pronësore, burgjet, janë  sferat më kritik të të drejtave të njeriut gjatë vitit që lamë pas, tha avokati i popullit, Ixhet Memeti për Radio Evropa e Lirë.

Ai vlerëson se është shumë i madh numri i qytetarëve të cilët kërkojnë mbrojtje nga ky institucion.

“Nëse merret parasysh që në këtë vend rreth 8 mijë banor vinë në këtë institucion dhe kërkojnë ndihmë, kurse nga ana tjetër nga 4 mijë rastet që ne kemi hapur procedurë konstatohen lëndime tek 1200 raste dhe nëse këtë e krahasojmë me shoqëritë tjera, arrijmë në përfundim se tek ne numri i atyre që kërkojnë ndihmi nga ky institucion është shumë më i madh se në shoqëritë tjera”, tha Memeti.

Ai shtoi se kjo situatë është përkeqësuar kaq shumë për shkak të ndryshimeve të shpeshta të ligjeve.