“Po të mos ishte trysnia nga qytetarët, BDI-ja dhe PDSH-ja do të shkonin në zgjedhje”

Rezultati i protestave njëmujore të “Revolucionit të Larmë” ndikoi në përmbushjen e njërës prej kërkesave dhe kjo ka të bëjë me shtyrjen e zgjedhjeve të  5 qershorit. Një vlerësim i tillë bëhet nga pjesëmarrësit në protestat që organizohen nga Lëvizja qytetare “Protestoj”, transmeton televizioni 21.

Zdravko Savevski, një nga protestuesit më aktivë, lideri i “Së Majtës”, që është në paraburgim shtëpiak thotë se ky është suksesi i qytetarëve, sepse sipas tij, sikur të mos kishte protesta, BDI-ja dhe PDSH-ja do t’i dorëzonin listat e kandidatëve dhe në këtë mënyrë zgjedhjet do të mbaheshin në qershor.

“Deri në KSHZ lista nuk kanë dorëzuar vetëm LSDM-ja, E Majta, dhe të tjerët për të cilët dihej, por edhe partitë që kalkulojnë siç janë PDSH-ja dhe BDI-ja. Mendoj se kjo flet për suksesin e protestave. Sikur të mos ishte trysnia nga qytetarët, BDI-ja dhe PDSH-ja me siguri do të merrnin pjesë në zgjedhje. Mund të vërehen edhe elemente të tjera në shtet, të cilat me këto protesta thjesht morën një dimension tjetër”, u shpreh Zdravko Saveski, Lider i “Së Majtës”.

Megjithatë, kërkesa më e rëndësishme e Lëvizjes “Protestoj”, është tërheqja e vendimit të Kryetarit Ivanov për falje dhe dorëheqja e tij. Aktivistët e shoqërisë civile, që janë pjesë e “Revolucionit të Larmë” thonë se do të jenë këmbëngulës deri në fund dhe nuk do të ndalen me protestat, përderisa nuk përmbushen të gjitha kërkesat, duke mos pasur parasysh, nëse zgjedhjet do të anulohen apo jo.

”Protestoj” do të mbetet në rrugë dhe do të protestojë deri në fund. Ndoshta do të ndryshohet forma e protestave, por jo edhe kërkesat. Thjesht, “Protestoj” do të protestojë derisa nuk përmbushen të gjitha 8 kërkesat”, tha Sandra Anastasova, Aktiviste Civile.

Përndryshe, këto janë protestat më të gjata në historinë e Maqedonisë së pavarur, ku vazhdimisht është protestuar më shumë se 30 ditë. Menjëherë pas këtyre protestave, janë ato për vrasjen e Martin Neshkovskit, kur aktivistët dhe qytetarët 17 ditë me radhë i kishin pushtuar rrugët.

Lajme të ngjashme

Leave a Reply

Your email address will not be published. Required fields are marked *

Back to top button