Apple shpenzon 578 milionë dollarë për zhvillimin e ekranit të iPhone 6

Sipas një raporti, Apple ka shpenzuar 578 milionë dollarë për të shpejtuar zhvillimin e një qelqi të veçantë i cili do të përdoret në ekranin e iPhone 6.

Kohët e fundit është thënë se Apple ka vendosur që të përdor xham prej safiri në telefonin e saj të ardhshëm, iPhone 6, xhami prej safiri është më i shtrenjtë dhe shumë më i komplikuar për të prodhuar se Corning Gorilla Glass që Apple përdor aktualisht, por kompania mezi pret që të përdorë një gjë të tillë në telefonin e saj të ardhshëm.

Është kaq e paduruar, saqë ka e shpenzuar 578 milionë dollarë në përshpejtimin e zhvillimit të teknologjisë së ekranit. Xhami prej safiri është shumë më i fortë se lloji i qelqit që Apple përdor aktualisht.

Apple aktualisht përdor xham safiri mbi butonin e iPhone 5S dhe në mbrojtësen e kamerës në anën e pasme.