Reagon Prokuroria Speciale Publike: Mos i besoni faqeve tjera jozyrtare

Prokuroria Speciale Publike ka njoftuar nëpërmes rrjetit social “Facebook” se janë përhapur faqe për mbështetje të prokurorëve pranë Prokurorisë special dhe profile të rrejshme të cilat nuk janë të hapura nga vet Prokuroria, transmeton Portalb.

“Në këtë drejtim, Ju informojmë se ekskluzivisht vetëm nëpërmes kësaj faqe mund të informoheni për qëndrimet tona zyrtare dhe nuk mbajmë llogari për qëndrimet që dalin nga profilet e rrejshme dhe faqet tjera. Poashtu, Ju informojmë se prokurorja Fatime Fetai nuk ka profil në “Facebook”, shkruhet në reagimin e PSP-së.

Pas publikimit të të dyshuarve të parë për manipulime zgjedhore nga PSP, nëpër rrjetet sociale janë paraqitur profile të ndryshme për ta mbështetur Prokurorinë Speciale Publike./Portalb