Berisha mund të vazhdojë aventurën e tij në Romë

Federico Marchetti është rikthyer në stërvitje me Lazion pasi është rikuperuar plotësisht nga dëmtimi, por për gardianin italian çështja e vendit të titullarit është komplikuar.

Edhe pse arriti marrëveshjen për rinovimin, portieri kuqezi, Etrit Berisha ka arritur të tërheqë vëmendjen e trajnerit Stefano Pioli me paraqitjet e javëve të fundit. Sipas mediave italiane, Marchetti mbetet sërish i avantazhuar në këtë përballje, por Berisha ka treguar një rendiment më të mirë me 6 ndeshje në portë ku Lazio nuk ka regjistruar asnjë humbje në kampionat.

Të dielën e shkuar, portieri i lindur në Prishtinë numëroi ndeshjen numër 18 në këtë sezon, 2 më shumë se Marchetti. Kundër Chievos, përveç pritjes së 11-metërshit tregoi siguri në katërkëndësh dhe ky është momenti kur e ardhmja e tij mund të marrë një tjetër drejtim.

26-vjeçari dukej shumë pranë largimit vetëm pak javë më parë, por sipas asaj që shkruan “Gazzetta Dello Sport”, Berisha mund të vazhdojë aventurën e tij në Romë.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP