Ja se si të njihni një makinë të vjedhur

Në rast se jeni duke blerë një automjet të vjetër do të përballeni gjithmonë me riskun që ta blini me një të ‘kaluar jo shumë të favorshme. Ja disa këshilla si të evitoni nga te bërit tuajën një makine të vjedhur.

Automjete të vjedhura

Barra bie mbi blerësin për t’u siguruar nëse automjeti i tij i ardhshëm është ose jo i vjedhur. Edhe nëse një automjet është blerë në mirëbesim, policia mund të jua sekuestrojë; dhe edhe nëse është blere me kredi apo financim, financuesi do t’ju kerkojë këstet për t’i paguar.

Makinat e vjedhura kalohen me identitetin e tyre të ndryshuar zakonisht, por ka disa rregulla që ndihmojnë që të reduktohet risku i blerjes së një makine të vjedhur.

• Investoni gjithmonë ca para për të parë historikun e kontrolleve të makinës – I cili tregon menjëherë nëse makina është e vjedhur ose jo
• Kërkoni dokumentat origjinale të regjistrimit, kontrolloni gjithashtu që numri I serisë të rakordojë me atë të shkruar në makinë.
• Makinat e vjedhura shiten zakonisht pa librat dhe dokumentat origjinalë të makinës, me pretendime të ndryshme nga shitësi si psh.: që mund të jetë çuar për përditësim tek autoritetet përkatëse.
• Sigurohu që adresa e shitësit të rakordojë me dokumentat e makines dhe lejen e drejtimit, apo ndonjë fature të mëparshme
• Kontrollo që numri i targës dhe Numri I Shasisë së makinës të rakordoje me ato të shkruara.

Kilometrazh i modifikuar
Në rast se ndonjë shitës i paskrupullt, ka çuar mbrapsht kilometrazhin e regjistruar në milometer, do të thotë se ai po do tjua kalojë për një makinë më pak të përdorur seç është në realitet.
Por të zbuloni nëse ky shitës e ka bërë diçka të tillë duhet të ndërrmerni, pak a shumë një mision zbulues.
• Shiko kilometrazhin që shfaqet në milometer dhe pastaj shiko faturat dhe rekordet e servisit për ta rakorduar
• Kontrollo që numrat e milometrit të jenë të vijëzuara në mënyrë korrekte në milometrin analog
• Kontrollo nëse gjendja aktuale e mjetit përputhet me moshën e tij – veshjet e sediljes dhe rrotat dhe të tjera që tregojnë për kilometrat që makina ka bërë
• Në rast se ka një historik të cunguar ose ska historik fare në serviset e bëra të makinës, kërkoni t’i bëni një kontroll që mund të ndihmojë që të verifikoni kilometrazhin
• Kontakto pronarët e mëparshëm të mjetit për të verifikuar kilometrazhin e automjetit

Automjet i vjedhur
Një automjet i vjedhur, në rast se do të shitet, është patjetër i modifikuar në shasi dhe në dokumenta.
Kërkoni për shenja rreth shasisë. Numrin e identifikimit të mjetit e gjeni në dokumentat e makinës dhe në shasinë e cila është e pozicionuar nën tapetin e makinës poshtë sediljes së parë.

Në rast se ju do harxhoni lekët për të blerë një makinë të tillë, ju kujtojmë se automjeti nuk është në mënyrë të ligjshme i juaji prandaj, sapo ai të identifikohet nga autoritetet do t’ju merret për tju kthyer pronarit të ligjshëm ose kompanisë së sigurimit.

Si te evitoni blerjen e nje makine te vjedhur
• Sigurohuni që gjithcka të rakordojë, përsa i përket numrit të identifikimit të automjetit, në dokumenta dhe në vetë mjetin.
• Kontrollo për modifikime të mundshme në automjet të numrave VIN.
• Sigurohuni që mjeti që po bleni të ketë sasinë e mjaftueshme të dokumentacionit.

Modifikime në mjet
Në rast se vëreni se në automjet janë bërë zëvendësime, prerje dhe shkrirje të një apo disa elementëve, duhet t’ju themi se integriteti i këtij automjeti është seriozisht i kompromentuar, dhe mund t’ju lërë me dëmtime serioze në rast aksidenti.

• Kontrollo panelin e dritares dhe seksionin e mesit të makinës për ndonjë shenjë saldimi dhe ju këshillojmë të hiqni dhe tapicerinë për ndonjë shenjë saldimi të fshehur.
• Kontrollo për bojen e automjetit. Shiko nëse ajo ndryshon, dhe shiko për sprucime të mundshme me spray në bordurën mbajtëse të shasisë së automjetit.
• Kontrollo për shtrembërim ose për mopërputhje të bordurës së shasisë në automjet
• Një kotroll që mund ti bëni makinës tek ndonje teknik do të nxjerrë më shumë në dritë – nëse është e vjedhur, nëse është e modifikuar, salduar apo me pjesë jo të sajat.

Makina të klonuara
Një makinë e cila mban targa të vjedhura nga një automjet identik me atë njihet si një makinë e klonuar. Klonet nuk janë domosdoshmerisht makina të vjedhura, por përdoren nga grupe të vogla kriminale të cilat heqin merakun e parkimit, apo sikletin e gjobave për shpejtësi mbi normë apo parkim të gabuar, duke i lënë pronarit të vërtetë barren që të paguajë gjobat.

Ka shume pronarë të cilët nuk janë në dijeni të faktit se mund te kenë rënë viktimë derisa fillojnë e marrin penalitetet për mospagimin e faturave. Këtyre të fundit u bie barra të provojnë pafajësinë e tyre.

• Ju këshillojmë të kontrolloni gjithmonë para se të blini një makinë që targa dhe Numri i identifikimit të Makinës të përputhen me dokumentat e makinës
• Kontrollo për shenja të dëmtimit në targë, ose ndonjë evidencë tjetër që mund të tregojë se ato janë ndryshuar përkohësisht apo zevëndësuar.
• Një kontroll teknik i makinës mund, gjithmonë, të identifikojë një makinë klon, përsa i përket ngjyrës në automjet, specifikimet e shasisë, dhe në disa raste edhe modifikimet në kilometrazhin e makinës.

Lajme të ngjashme

Leave a Reply

Your email address will not be published. Required fields are marked *

Back to top button