Gjashtë të vdekur nga sulmet e fundit ruse në Damask
Avionët rusë kanë bombarduar vendbanimet Arbin në Gutën lindore në Damask, ku si pasojë kanë humbur jetën gjashtë persona, ndërsa 45 të tjerë janë lënduar, raporton Anadolu Agency (AA).
Zyrtarët e Mbrojtjes Civile të Arbinit për AA konfirmuan se avionët rusë kanë bombarduar vendin Arbin, i cili është nën kontroll të opozitës.
Ata më tej shtuan se në mesin e viktimave ka gra dhe fëmijë. Personat e plagosur janë dërguar në spitalet e improvizuara në këtë vend.
Ekipet e Mbrojtjes Civile po bëjnë përpjekje që të nxjerrin trupat e pajetë që kanë mbetur nën rrënojat e ndërtesave.
