Siri: Turqia iu kundërpërgjigjet rebelëve të Al-Kaidës
Ushtria turke, njofton se iu është kundërpërgjigjur gjuajtjeve të rebelëve të lidhur me Al-Kaidën në Siri.
Turqia njofton se i ka ndërmarrë këto veprime si përgjigje ndaj hedhjes së një predhe, e cila ra shumë afër kufirit siriano-turk.
Kjo besohet të jetë hera e parë që Turqia hedh zjarr mbi rebelët e Al-Kaidës, përtej kufirit sirian.
Turqia iu është kundërpërgjigjur më parë gjuajtjeve nga ana e forcave qeveritare siriane, por ky vend njihet për rolin e tij përkrahës ndaj rebelëve në Siri, në konfliktin e tyre me regjimin e Assadit.
Megjithatë, Turqia kundërshton grupet e lidhura me Al-Kaidën, të cilat po luftojnë në anën e rebelëve.
