Sy smerald!
Më shpejtë se gjaku, më lirë se fryma,
Në qenien time ti lëvizë,
Dhe nuk ka send që e mbaj brenda
Të mos e prekë emri yt!
A të mos i këndojë, e buzëqeshur,
Varg të bukur ledhatar,
Strofë ëndrre, thellë nga zemra,
Thellë nga sharmi lozonjar!
E nga sytë e tu smerald
Të blerojë e tërë pranvera
Dhe nga drita e fytyrës sate,
Të shkëlqej dhe hëna e ndezur.
A të sjellë një gjumë të këndshëm
Një ëndërr të bukur, në lulnajë
A një ndjenjë që nuk e sqaron
Asnjë zhurmë e asnjë fjalë.
Veçse hidhet duke e kërkuar
Në det të hapur, si zog i lirë
Dhe se gjen një si ajo
Që e bën të qesh më mirë.
Pastaj gjumi e zë prapë
Gjersa mëngjesi e trazon
Dhe vrap e vrap, ku je?, e thirr
E thirr për mbrëmjen t’i tregojë,
Se si ajo, e kishte marrë
Në ëndërr të thellë, kishte fluturuar
Dhe në një kopsht të stolisur
Të lodhur, të lumtur, ishin lëshuar
Se s’kishte vend bota, që ta zë
Atë ndjenjë të përflaktë
Se veç ëndrra di ta bëj
Atë që se s’ta them unë me fjalë!
Suad Bajrami